Уладзімір Міхайлавіч Юроўскі (Владимир Юровский).

Уладзімір Юроўскі

Скончыў Маскоўскую кансерваторыю ў 1938 г. па класе Н.Мяскоўскага. Кампазітар высокага прафесіяналізму, Юроўскі звяртаецца пераважна да буйных форм. Сярод яго твораў опера «Дума пра Апанаса» (на паэму Э. Багрыцкага), сімфоніі, араторыя «Подзвіг народа», кантаты «Песня пра героя» і «Юнацтва», квартэты, фартэпіянны канцэрт, сімфанічныя сюіты, музыка да трагедыі Шэкспіра «Атэла» для дэкламатара, хору і аркестра.

Юроўскі неаднаразова звяртаўся да балетнага жанру – “Пунсовыя ветразі” (1940-1941), “Сёння” (па матывах “Італьянскай аповесці” М. Горкага, 1947-1949), “Пад небам Італіі” (1952), «Перад світаннем» (1955).

Сюжэт “Пунсовых ветразяў” аказаўся блізкім музычным памкненням кампазітара, які імкнецца да рамантычнага свету ўсхваляваных пачуццяў. У вобразах Асоль і Грэя, у жанравых сцэнах Юроўскі стварыў сімфанічныя карціны, якія ўражваюць эмацыянальнасцю і лёгка перакладаюцца на мову танца і пантамімы. Асабліва запомніліся марскі пейзаж, уступ да балета, балада старога казачніка і музыка сноў Ассоль.