Джэймс Кінг |

Джэймс Кінг

Амерыканскі спявак (тэнар). Дэбютаваў як барытон у 1961. У 1962 дэбютаваў тэнарам (Сан-Францыска, партыя Хасэ). Вялікі поспех прыйшоў да спевака пасля яго еўрапейскага дэбюту ў Берлінскай Нямецкай оперы (1963, партыя Лоэнгрына). Выступаў у Мюнхене, на Зальцбургскім фестывалі (1963, партыя Ахіла ў «Іфігеніі ў Аўлідзе» Глюка). З 1965 г. рэгулярна выступаў на Байройцкім фестывалі (партыі «Зігмунда ў Валькірыі», «Парсіфаля» і інш.). З 1965 г. у Метраполітэн-опера (дэбют у ролі Фларэстана ў «Фідэліа»), дзе спяваў да 1990 г. Іншыя ролі: Манрыка, Калаф, Атэла. У 1983 годзе ён з вялікім поспехам выступіў у Ла Скала ў оперы Керубіні «Анакрэонт». У 1985 г. выканаў у Ковент-Гардэне партыю Вакха ў оперы Р. Штрауса «Арыядна на Наксасе». Ён запісаў шмат партый у операх нямецкіх кампазітараў, у тым ліку Вагнера, Р. Штраўса, Хіндэміта, з якіх адзначым ролі Альбрэхта ў оперы апошняга «Артыст Матыс» (дырыжор Кубелік, EMI), Парсіфаля (дырыжор Булез, Д.Г.) .

Я. Цодакоў